Илмий рахбар: Тўраев Т.Т., Тўжибоев Р.К.
Магистрант: Мадаминов Б.М. М4-13 МСТ
Фарғона политехника институти
Машинасозлик саноатида металларга керакли шакл беришда, ишлов берувчи асбобларнинг турғунлиги, материалнинг физик-механик хоссалари ва кимёвий таркибига қараб белгиланади. Бундай ҳолларда ишлов берилаётган материалнинг қаттиқлиги қанчалик юқори бўлса, ишлов берувчи асбобларнинг ҳам мустаҳкамлигини ошириб боришга тўғри келади. Металларга технологик жараёнга мос ҳолда юзаларга ишлов бериш машинасозликнинг энг мураккаб амалларидан бири бўлиб, бунда ишлов берувчи асбобнинг турғунлигини ошириш борасида ҳозирги кунда кўплаб ишлар олиб борилмоқда. Металларга ишлов берувчи асбоблар механик иш жараёнида мустаҳкамлик, зарбага чидамлилик, иссиқбардошлик ва титрашга чидамлилик каби талабларга жавоб бериши керак. Бунинг учун машинасозлик саноатида алоҳида кимёвий таркибга эга бўлган ГОСТ 5950-73га асосан 5ХНМ, 5ХНВ, 5ХНВС, 5ХГМ каби материаллардан кенг фойдаланилади.